دبئی کی جاب مارکیٹ میں نوکری تلاش کرنا آپ کے لیے تلخ کام ہو سکتا ہے۔ بار بار کی ناکام کوششوں کے بعد، جاب تلاش کرنا مشکل لگ سکتا ہے۔ تاہم، دبئی کی جاب مارکیٹ بڑھ رہی ہے تو نوکریوں کی تعداد بھی بڑ ھ رہی ہے۔ یقین کریں کہ اگر آپ کو درست طریقے سے نوکری تلاش کرنا آتا ہےتو نوکری ڈھونڈنا بہت آسان ہو جاتا ہے۔اگرچہ دبئی میں ملازمت کی تلاش میں مشکلات اور وقت لگتا ہے ، لیکن درج ذیل باتوں پر عمل کر کےآپ بہت آسانی کے ساتھ کامیاب ہوسکتے ہیں ۔
دبئی میں نوکری تلاش کرنے کا صحیح طریقہ کیا ہے؟
ہر ملازمت کے طریقہ کار میں پہلا قدم متعلقہ اداروں میں خالی پوزیشن کو دیکھنا ہے۔ اکثریت لوگ نوکری حاصل کرنے کی ریس سے اس لیے باہر نکل جاتے ہیں کیونکہ وہ اس اہم مرحلے پر زیادہ توجہ نہیں دیتے ہیں۔ بنا سوچے سمجھے ، غلط جگہ پر نوکری کی تلاش کرنا آپ کو نوکری نہیں دلا سکتا۔
دوبئی میں نوکری کی صحیح خالی جگہیں تلاش کرنے کے لئے ایک سے زیادہ راستے ہوسکتے ہیں جس میں سب سے اہم گوگل پر سرچ کرنا ہوتا ہے۔ تاہم، جاب تلاش کرنے والے کو ضرور یہ پتہ ہونا چاہیے وہ کون سی نوکری تلاش کر رہا ہے۔ گوگل پر عام الفاظ جیسے سول انجنیئر لکھنا ٹھیک نہیں ہے۔ اس کی بجاے آپ کنسٹرکشن کمپنیز کو تلاش کریں اور ان کی ویب سائٹ پر جا کر نوکری تلاش کریں۔ زیادہ لوگ اس پر عمل نہیں کرتے ۔ ایسا کرنے سے آپ کی نوکری کے چانس بڑھ جاتے ہیں۔ آپ گوگل سرچ کے ساتھ ساتھ کمپنیز کی ویب سائٹ سے بھی لازمی جاب کی درخواست دیں۔
درست ویزا حاصل کرنا
دبئی میں ملازمت کی تلاش میں ایک واضح شرط، ویزہ کا حصول ہے. اگر آپ ورک ویزا پر دبئی میں جاتے ہیں تو کمپنیز کو آپ کو نوکری دینے میں آسانی ہو گی۔ ورک ویزا کے لئے آپ پاکستان سے ہی نوکریوں کے لئے درخواست دیں اور جب نوکری کے لیےہاں ہو جاے تو کمپنی آپ کو ورک ویزا پر بلا لے گی. دوسرا ایک حل یہ بھی ہے کہ آپ وزٹ ویزا پر دبئی جایئں اور پھر وہاں پر نوکری کی تلاش کریں۔
اپنی سی وی کو بہتر بنانا
مختلف ملازمتوں کے لئے درخواست دینے کے لئےسب سے اہم بات یہ ہے کہ آپ کئی سی ویز کو تشکیل دیں۔ دبئی میں جاب مارکیٹ کو دیکھتے ہوے یہ ایک اچھا خیال نہیں ہے کے آپ مختلف نوکریوں پر ایک ہی سی وی کے ساتھ کام تلاش کریں۔ اپنی سی وی پر ویزا کی ایکسپائری تاریخ لکھنا بھی ایک اچھا آئیڈیا ہے۔
نیٹ ورک کو استعمال میں لانا
یہ ایک حقیقت ہے کہ دبئی میں ملازمین کی مارکیٹنگ کے ادارے ان کے ساتھ تعلق رکھنے والے نام کو ترجیح دیتے ہیں۔ ٹھیک لوگوں کے ساتھ نیٹ ورک کرنا آپ کو جاب حاصل کرنے میں بہت مدد گار ثابت ہو سکتا ہے۔ کمپنی کے اندر کسی جاننے والے کی مدد سے یہ کام اور بھی زیادہ آسان ہو جاتا ہے۔ تاہم، اگر اپ کسی کو نہیں بھی جانتے تو نیٹ ورکنگ کے ایونٹس اور سوشل ایونٹس بھی مددگار ثابت ہو تے ہیں۔ دبئی میں موجود ہونا بھی جاب دینے والی کمپنی کے لئے آپ کو نوکری دینا آسان کر دیتا ہے۔ اسی حوالے سے آن لائن جاب ایونٹس بھی کافی کارگر ثابت ہوتے ہیں۔
توجہ فرمائیے
ٹیم شاباش کا لکھاری کے خیالات اور تحریر سے متفق ہونا ضروری نہیں ہے۔اگر آپ کو اس تحریر بارے کوئی شکایت ہو ، کسی بیان کردہ حقائق کی درستگی کرنا چاہتے ہوں تو ٹیم شاباش سےرابطہ کریں۔
