زندگی میں کامیاب افراد سے ہمارا اکثر واسطہ پڑتا ہے اور ہم انہیں صرف رشک بھری نگاہوں سے دیکھتے ہیں٬ لیکن دلچسپ بات یہ ہم میں سے بہت کم افراد ہی ایسے ہیں جو ان جیسا بننے کی کوشش کرتے ہیں- اگر ہم ان کامیاب افراد کی زندگی کا بغور جائزہ لیں تو ہمیں ان کامیاب افراد کی بہت سی عادات مشترکہ نظر آئیں گی- ان مشترکہ عادات کو اپنا کر ہم بھی کامیابی کے راستے پر گامزن ہوسکتے ہیں- کامیاب افراد کی وہ مشترکہ عادات کیا ہیں؟ آئیے ہم آپ کو بتاتے ہیں۔
سب سے پہلی بات یہ کہ کامیاب افراد جانتے ہیں کہ انہیں آگے بڑھنا ہے۔
وہ اپنے خوف یا ڈر کو اپنا عزم اور حوصلہ بڑھانے کے لیے استعمال کرتے ہیں۔
وہ اس بات سے بھی بخوبی واقف ہوتے ہیں کہ ناکامی بھی کامیابی کا ایک حصہ ہی ہوا کرتی ہے۔
وہ اپنے دماغ کو اس طرح تربیت دیتے ہیں کہ ہر چیز میں اچھائی اور اس کا مثبت پہلو دیکھ سکیں۔
کامیاب افراد اپنے مقصد کے حصول کے لیے اس پر مضبوطی سے قائم رہتے ہیں۔
وہ ذہنی طور پر تیار ہونے سے قبل ہی کام کا آغاز کردیتے ہیں۔
وہ کوئی بات بھی ذاتی طور پر نہیں لیتے نہ محسوس کرتے ہیں۔
وہ انتہائی پراعتماد ہوتے ہیں اور خود پر یقین رکھتے ہیں۔
وہ کسی بھی چیز میں مداخلت کی کوشش نہیں کرتے۔
کامیاب افراد ہر لمحے خود کو نوآموز ہی سمجھتے ہیں اور سیکھنے کا عمل جاری رکھتے ہیں۔
وہ ایسی چیزوں اور عوامل سے دوری اختیار کیے رکھتے ہیں جنہیں وہ کرنا ہی نہیں چاہتے۔
وہ دیگر افراد کی خوشی اور کامیابی پر بھی جشن مناتے ہیں اور ان کی حوصلہ افزائی کرتے ہیں۔
وہ ہمیشہ بغیر کسی لالچ اور مقصد کے بھی لوگوں کی مدد کے لیے تیار رہتے ہیں۔
وہ اپنے منفرد انداز پر معذرت خواہانہ رویہ اختیار نہیں کرتے۔
وہ اس بات کو بھی تسلیم کرلیتے ہیں کہ وہ ہر شے کو نہیں بدل سکتے۔
توجہ فرمائیے
ٹیم شاباش کا لکھاری کے خیالات اور تحریر سے متفق ہونا ضروری نہیں ہے۔اگر آپ کو اس تحریر بارے کوئی شکایت ہو ، کسی بیان کردہ حقائق کی درستگی کرنا چاہتے ہوں تو ٹیم شاباش سےرابطہ کریں۔
