ہماری زمین پر موجودگی واقعی ایک موقع ہے کہ ہم اپنے اردگرد کے لوگوں کے لیے کچھ خاص کر سکیں۔ ہمیں اپنی ضروریات کو سمجھ کر ہی وہ چیزیں خریدنی چاہئیں جو ہمیں اپنی صلاحیتوں کو بہتر بنانے اور اپنی ذمہ داریوں کو پورا کرنے میں مدد فراہم کریں۔
جب زندگی کا اصل مقصد خود کو کھوجنے اور اپنی شخصیت کو بہتر بناتے جانے میں ہے تو پھر آج کل کے مصروف دور میں، ہمیں اپنی ترجیحات کو سمجھنا اور انہیں ٹھیک سے ترتیب دینا انتہائی ضروری ہے۔خاص طور پر کسی بھی چیز کو خریدنے سے پہلے، ہمیں سوچنا چاہیے کہ کیا یہ واقعی ہماری زندگی کے کسی اچھے مقصد کو پورا کرنے میں کام آئے گی ؟ اسی حوالے سے ہمیں ان چیزوں پر سرمایہ کاری کرنی چاہیے جو ہمیں علم، خوشی اور سکون عطا کریں۔
یہ بات بھی ذہن میں رکھیں کہ اس وجہ سے کہ آپ کچھ خرید سکتے ہیں اس کا مطلب ہوگز یہ نہیں ہے کہ آپ کو لازمی خریدنا چاہئے۔ معاشرتی دباؤ، اشتہارات اور نیاپن کا جذبہ ہمیں بہت سی چیزیں خریدنے پر مجبور کرتا ہے جن کی ہمیں درحقیقت ضرورت نہیں ہوتی۔ ہمیں سمجھنا چاہئے کہ ضرورت اور خواہش کے درمیان فرق بہت ضروری ہے۔
ہوتا کیا ہے کہ جب ہم غیر ضروری چیزیں خریدتے ہیں، تو ہم نہ صرف اپنا پیسہ ضائع کرتے ہیں بلکہ وقت اور توانائی بھی ضائع کرتے ہیں۔ یہ چیزیں اکثر ہمارے رہنے کی جگہ کو بھری ہوئی اور بے ترتیب بناتی ہیں۔ سادگی اور اعتدال پسندی کی پیروی کرنا ہمیں زیادہ پر سکون اور مطمئن زندگی گزارنے میں مدد دیتا ہے۔
اپنی خریداری کو سادہ رکھیں، اور صرف وہی چیزیں خریدیں جو واقعی آپ کی زندگی کو بہتر بناتی ہیں اور آپ کے مقصد کو پورا کرتی ہیں۔ بجٹ بنانا، خرچ کو منظم کرنا، اور مالی منصوبہ بندی کرنا ہمیں مستقبل کے لیے بہتر تیار کرتا ہے۔
آخر میں، یاد رکھیں کہ سادگی ایک عظیم خوبی ہے۔ کم سے کم چیزوں کے ساتھ زندگی بسر کرنا ہمیں زیادہ مطمئن اور خوشحال بناتا ہے۔ ہمارا مقصد صرف مادی چیزوں میں اضافہ کرنا نہیں، بلکہ روحانی اور اخلاقی ترقی بھی ہے۔ سادگی اور محتاط خرچ ہمیں نہ صرف خوشحال بناتا ہے بلکہ ہمارے اردگرد کے لوگوں کے لیے ایک مثبت مثال بھی قائم کرتا ہے۔ تو اس سوچ کے ساتھ آگے بڑھیں اور ہمیشہ سوچ سمجھ کر خریداری کریں۔
توجہ فرمائیے
ٹیم شاباش کا لکھاری کے خیالات اور تحریر سے متفق ہونا ضروری نہیں ہے۔اگر آپ کو اس تحریر بارے کوئی شکایت ہو ، کسی بیان کردہ حقائق کی درستگی کرنا چاہتے ہوں تو ٹیم شاباش سےرابطہ کریں۔
میاں جمشید
لکھاری کو اپنی گزرتی زندگی سے حاصل شدہ سبق دوسرے تک پہچانے کا شوق ہے تاکہ دوسرے لوگ بھی فائدہ اٹھا سکیں۔ اسی حوالے سے آپ کی دو کتب (حوصلہ کا گھونسلہ اور احسنِ تقویم) بھی شایع ہو چکی ہیں۔
